Starbucks və ChatGPT : Kofe təcrübəsində yeni mərhələ
Starbucks texnologiya sahəsində çox maraqlı bir addım atdı. Şirkət ChatGPT platformasında yeni “beta tətbiq” təqdim edərək istifadəçilərə kofe seçimini tamamilə fərqli şəkildə etməyə imkan yaradır.
Bu yenilik sadəcə sifariş verməkdən ibarət deyil — artıq qəhvə seçimi istifadəçinin hiss və istəklərindən başlayır.
Bu nədir və necə işləyir?
Yeni Starbucks tətbiqi ChatGPT daxilində işləyir və istifadəçilərə öz istəklərini sadə şəkildə ifadə edərək içki seçməyə imkan verir.
Yəni sən artıq menyuya baxmaq və içki adlarını bilmək məcburiyyətində deyilsən. Sadəcə ”@Strabucks” promptu ilə ChatGPT ilə söhbəti başladıb aşağıdakı promptlardan istifadə edə bilərsən:
- “Səhər üçün yüngül və enerji verən içki istəyirəm”,
- “Çox şirin olmayan iced coffee lazımdır”,
- Və ya çöldəki havanın, outfitinin, günbatımının şəklini göndərərək öz əhval-ruhiyyənə uyğun içki tövsiyəsi ala bilərsən.
ChatGPT burada nə edir?
Bu sistemdə ChatGPT sanki “rəqəmsal barista” rolunu oynayır:
- Sənin əhval-ruhiyyəni anlayır,
- Zövqünə uyğun içki təklif edir,
- İçkini fərdiləşdirməyə imkan verir (süd növü, şəkər, əlavələr və s.),
- Sifarişi başlatmağa kömək edir.
Son mərhələdə isə sifarişini Starbucks tətbiqində və ya vebsaytında tamamlayırsan.
Niyə bu qədər önəmlidir?
Starbucks-ın öz açıqlamasına görə, insanlar artıq menyuya görə yox, hisslərinə görə qərar verir. Bu səbəblə istifadəyə verilmiş sistem istifadəçinin həmin anki əhval-ruhiyyəsini başa düşür və ehtiyacına uyğun içkini tövsiyə edir.
Yəni:
- insanlar “latte istəyirəm” demir,
- “rahatladıcı bir şey istəyirəm” deyir.
Bu isə marketinq və müştəri davranışı baxımından böyük dəyişiklikdir.
Bu sistem 3 əsas mərhələdən ibarətdir:
- Kəşf et – ChatGPT ilə danışaraq içki tap
- Fərdiləşdir – öz zövqünə uyğun dəyiş
- Sifariş et – Starbucks app və ya sayt vasitəsilə tamamla
Bu yanaşma istifadəçi təcrübəsini daha sürətli və fərdiləşdirilmiş edir.
Mənbə: Starbucks.com
